Stord tennisklubb sin “ideologi” for sosial inkludering for alle.

Stord tennisklubb presiserer verdiane eller “ideologien” vår.

Stord Tennisklubb – kontinuitet i sosialt engasjement – inkludering ein grunnpilar i klubben.

I tillegg til sjølve idretten og alt den inneber har Stord Tennisklubb i mange år også engasjert seg på område som inkludering, integrering og flyktningeproblematikk.

Stord Tennisklubb  meiner omgrepet  integrering  må tolkast, forståast og  koplast  til omgrepet  sosial orden, som i stor grad er avhengig av arbeidet for eit felles verdi- og normgrunnlag.  Normgrunnlaget må  fungera  som eit fundament og ei ramme  aktørane skal operera innanfor. Sentralt i dette sosiale systemet står dei menneskelege aktørane, som må forhalda seg til kvarandre og til heilskapen. Med dette som bakgrunn og mål har Stord tennisklubb hatt tiltak for  integrering av  flyktningar, innvandrarar o.a., sidan klubben vart stifta i 1980. Både svenskar, tyskarar og engelskmenn vart trekte inn i arbeidet med bane- og klubbhusbygging, treningsutvikling og etter kvart som aktive utøvarar både på bane og i det sosiale samværet. Lokalitetane/anlegga som klubben bygde  i perioden 1981 – 1987 - to tennisbanar,  klubbhus og seinare også rackethall, vart faste møteplassar for dei ulike aktivitetane og nasjonalitetane/kulturane.

Som nemnt innleiingsvis står dei menneskelege aktørane med sine verdiar,  interesser, ønskjer og mål sentralt i eit sosialt system.  I Stord Tennisklubb er «ideologien» tydeleggjort i form av openheit og tilgang for alle; ekstra låg medlemsavgift, men òg klubbhuset som samlingsstad for aktivitetane.

Styret