INGE MOE, STORD TENNISKLUBB SIN GRAND OLD MAN, HAR GÅTT BORT

I GÅR, 2.DESEMBER, KOM MELDINGA OM AT INGE MOE, MANGEÅRIG FORMANN I STORD TENNISKLUBB OG PRIMUS MOTOR I OPPRETTINGA AV KLUBBEN, HAR GÅTT BORT, 82 ÅR GAMAL.

HAN GRUNNLA KLUBBEN SAMAN MED ANDRE TENNISENTUSIASTAR I 1979/80, OG I LØPET AV NOKRE ÅR STOD DEI BANANE ME FRAMLEIS BRUKAR KLARE TIL SPEL. KLUBBHUSET KOM OGSÅ OPP, OG TIDLEG PÅ 90-TALET BLEI RACKETHALLEN REIST. ALT DETTE VAR INGE STERKT ENGASJERT OG INVOLVERT I. HAN LEIA OGSÅ KLUBBEN GJENNOM MANGE ÅR, OG ETTER AT HAN FEKK AVLØYSING I 1999, HELDT HAN FRAM I STYREARBEIDET, I DUGNADER AV ULIKT SLAG, SOM REPRESENTANT FOR KLUBBEN OVERFOR KOMMUNEN, OSB,, NOKO HAN GJORDE HEILT TIL FOR FÅ ÅR SIDAN.

INGE HAR KLUBBREKORDEN I TAL PÅ SM-TITLAR, 10 I ALT, RETT NOK SAMAN MED ØYVIND VISTE. I TILLEGG VANN HAN MANGE ANDRE TURNERINGAR, I SINGLE OG DOUBLE.

I DEI SEINARE ÅRA ENGASJERTE INGE SEG I ARBEIDET MED INKLUDERING AV FLYKTNINGAR, SLIK AT MIDLAR KLUBBEN FEKK BLEI BRUKTE TIL KURS OG AKTIVITETAR FOR INNVANDRARUNGDOM. FOR DETTE ARBEIDET FEKK HAN I 2020 ELDSJELPRISEN, HEILT FORTENT.

ME VIL SAKNA INGE, FOR HANS EKTE TENNISENTUSIASME - SJØLV OM HAN PRIORITERTE GOLF ETTER KVART - OG FOR DET STORE ARBEIDET HAN LA NED FOR TENNISEN PÅ STORD OG STORD TENNISKLUBB.

I MEDKJENSLE MED FAMILIEN, SLEKT OG VENER LYSER ME FRED OVER MINNET TIL INGE.

STYRET